ШЫМКЕНТТЕ 900-ГЕ ЖУЫҚ ЖАС БАСПАНАЛЫ БОЛДЫ
Шымкентте 35 жасқа дейінгі жұмыс істейтін 888 жас баспаналы болды. Қазіргі таңда азаматтармен арендалық жалдау шартын жасасып, қоныстандыру жұмыстары басталды. Аталған пәтерлер Тұран шағын ауданында орналасқан.
Конкурстан өткен азаматтарға арендалық жалдау шарты бойынша 1414-тен хабарлама жолдануда. Жолданған келісімшартқа электронды қол қою арқылы пәтер кілтіне қол жеткізе алады.
Еске сала кетейік, Шымкент қаласы бойынша 2023 жылдың 8-10 қараша аралығында 35 жасқа дейінгі жұмыс істейтін жастарға арналған «Жастар» бағдарламасы бойынша өтінім қабылданды. Нәтижесінде, аталған бағдарламаның талап шарттарына сәйкес келген 888 азаматтың өтінімі мақұлданды. «Жастар» бағдарламасы бойынша тұрғын үйлер сатып алу құқығынсыз 3 жыл мерзімге жалға беріледі.
Шымкент қаласы әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
