ҰЛАНДЫҚТАР ШЫМКЕНТ ПЕН ТҮРКІСТАНДА ОТАН ҚОРҒАУШЫЛАР КҮНІ МЕН ЖЕҢІС КҮНІН АТАП ӨТТІ

Бүгін Шымкент қаласының 6506 әскери бөлімінде Отан қорғаушылар күні мен Ұлы Жеңістің 79 жылдығын мерекелеуге арналған салтанатты іс-шара өтті.

Салтанатты шараға бригада басшылығы, офицерлер, келісімшарт бойынша әскери қызметшілер, сарбаздар, сондай-ақ әскери бөлімнің ардагерлері қатысты.

Іс-шара ҰОС батырларының ескерткішіне гүлдер мен гүл шоқтарын қоюдан басталды. Содан кейін бригада командирінің міндетін уақытша атқарушы полковник Төлеген Шыныбеков жеке құрамға құттықтау сөз сөйледі.

— «Осы керемет күні өзін әскери қызметке арнаған және ант бергендерді құттықтаймын. Отан қорғаушылар күні мен Жеңіс күніне орай шын жүректен құттықтауымды қабыл алыңыз!

Отансүйгіштіктің, ар-намыстың, парыз бен батылдықтың, үлгілері ретінде қызмет ететін Ұлы Отан соғысының ардагерлері мен тыл еңбеккерлеріне ерекше алғыс білдіргім келеді!»,- деді Төлеген Өркінбекұлы.

Іс-шара барысында қызметтік міндеттерін адал атқарғаны, қызметте жоғары нәтижелерге қол жеткізгені үшін және Отан қорғаушылар күнін мерекелеуге байланысты қызметте ерекше көзге түскен әскери қызметшілер Ішкі істер министрінің, Ұлттық ұланның Бас қолбасшысының, Шымкент қаласы әкімінің, «Оңтүстік» өңірлік қолбасшылығының қолбасшысының және 6506 әскери бөлімінің командирінің құқықтарымен марапатталды.

Ресми бөлім аяқталғаннан кейін бригаданың әскери оркестрінің солистерінің қатысуымен концерттік бағдарлама өтті.

Сондай-ақ, мерекеге орай салтанатты іс-шара Түркістан қаласында орналасқан 6506 әскери бөлімінің 3 жедел мақсаттағы батальонында өтті. Шараға Түркістан облысының әкімі Дархан Сатыбалды қатысты. Ол жеке құрамды Отан қорғаушылар күнімен құттықтап, бірқатар әскери қызметшілерді марапаттады.

ҚР ІІМ Ұлттық ұланы «Оңтүстік» өңірлік қолбасшылығының баспасөз қызметі