Отырар ауданында «Ұлттық жоба» шеңберінде жиын өтті
Отырар ауданында «Ұлттық жоба» шеңберінде мүгедектігі бар азаматтарға, пробация қызметінің есебінде тұрған азаматтарға, бас бостандығынан айыру орындарынан босатылған азаматтарға, жоғары және орта арнаулы оқу орындарын бітірген түлектерді жұмысқа орналастыру мақсатында «Шәуілдір ауыл округі аппараты» мемлекеттік мекемесі ғимаратында тұрақты және уақытша бос жұмыс орындары жәрмеңкесі ұйымдастырылды.
Жәрмеңкеге аудандық прокуратура өкілі, пробация қызметінің басшысы, жұмыс берушілер, жұмыс іздеушілер барлығы 54 азамат қатысты. Нәтижесінде жұмыспен қамту шараларына 9 азамат қатысып, оның ішінен тұрақты жұмыс орнына 3, уақытша жұмыс орындарына 6 азамат жолданды. Жалпы жұмыспен қамтылғандардың ішінен салалар бөлінісі ауыл шаруашылық саласы 1, тұрғын-үй коммуналдық шаруашылық саласы 5, білім саласы 1, басқалар 2.
Сондай-ақ, «Еңбек нарығын дамытудың 2024-2029 жылдарға арналған тұжырымдамасы» шеңберінде ұйымдастырылатын, субсидияланатын жұмыс орындары: жастар практикасы, алғашқы жұмыс орындары, қоғамдық жұмыстар, әлеуметтік жұмыс орындары, күміс жас жобасына қатысу тәртібі түсіндіріліп, бағдарламаға қатысуға шақырылды.
Қосымша ақпараттар мен мәліметтерді «Отырар аудандық мансап орталығы» филиалынан біле аласыздар.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
