ШЫМКЕНТТЕ ЖАЛПЫҚАЛАЛЫҚ СЕНБІЛІК ӨТТІ
Шымкент қаласында 18 қыркүйек World clean up day Дүниежүзілік акциясына орай жыл сайынғы «Бірге таза Қазақстан!» экологиялық жобасы аясында жалпықалалық сенбілік өттті.
Қала әкімінің бастамасымен қолға алынған тазалық шарасына мемлекеттік қызметшілер, кәсіпкерлер, тәртіп сақшылары, шахар тұрғындары мен еріктілер қатысты. Әрбір мекеме өздеріне жүктелген аумақтарды қоқыстан тазалады. Ол жұмыстарға 12 мыңға жуық тұрғын қатысты.
Сенбілікке 100-ден аса арнайы техника жұмылдырылды. Барлығы 165 текше метр қоқыс қала сыртына шығарылды. Сонымен бірге ирригациялық арықтар тазаланып, демалыс орындарында сырлау жұмыстары жүргізілді.
Осы күні «Жасыл Ел» және «Студенттік құрылыс» жасақтарының маусымдық жобасының жабылу салтанаты өтті. Онда қала әкімінің бірінші орынбасары Ш.Мұқан белсенді жастарды марапаттады. Бұл жобаға жалпы қаладағы 1200-ге жуық жастар қамтылған.
Қала келбеті тек сәнді де сәулетті үйлермен, жасыл желекті саябақтармен өлшенбейді. Күн сайын көркейіп келе жатқан Шымкенттің ажары оның тазалығына да байланысты. Сондықтан әрбір қала тұрғыны үлес қосуы қажет.
Бірге тазалық мәдениетін қалыптастырайық!
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
