ТҰРҒЫННЫҢ МҮЛКІН ЖЫМҚЫРҒАН КҮДІКТІ ЕР АДАМ АНЫҚТАЛДЫ

104

Түркістан қалалық полиция басқармасына кентаулық тұрғын шағымданды. Арызданушы ер адамның айтуынша, құрылысы аяқталмаған үйінен жөндеу жұмыстарына арналған құны 50.000 теңге тұратын жүк арбасын, белгісіз біреу ұрлап кеткен.

Тәртіп сақшылары аталған дерекке қатысты істі ҚР ҚК-нің 188-бабы «Ұрлық» бойынша тіркеуге алды.Полиция қызметкерлері жедел-іздестіру іс-шаралары барысында, ізін суытпай осы іске қатысы бар күдіктінің жеке басын анықтады. Ол жергілікті Түркістан қаласының тұрғыны болып шықты.

Қолды болған жүк арба тәркіленіп, заңды иесіне қайтарылды. Тексеру барысында оның тағы бір ұрлыққа қатысы бар екені анықталды.

Қазіргі таңда сотқа дейінгі тергеп-тексеру амалдары жүргізілуде.